ڤلۆدیمێر زیلینسكی سەرۆكی ئۆكرانیا دەڵێت، تاوەكو وەرزی پایز 75 تۆن گەنم لە وڵاتەكەی گیردەخوات، ئەوەش دوای ئەوە دێت كە پێشتر نەتەوە یەكگرتووەكان هۆشداری لە قەیرانی خۆراك دابوو لە جیهاندا.
زیلینسكی بە رۆژنامەنوسانی وتووە، بەهۆی كۆنترۆڵی روسیاوە بەسەر ئاوەكاندا بڕێكی زۆر گەنم لە كۆگاكانی ئۆكرانیا گیر دەخۆن، چونكە ئۆكرانیا لە بەندەرەكانەوە گەنم هەناردە دەكات.
رونیشیكردووەتەوە، لەگەڵ بەریتانیا و توركیا گفتوگۆیان كردووە بۆ ئەوەی وڵاتێكی تر كۆنترۆڵی هەناردەكردنی گەنمی ئۆكرانیا لە دەریای رەشەوە بكات كە روسیا كۆنترۆڵی كردووە، ئەگەرچی هێزەكانی ئۆكرانیا بەهێزترین گرەنتین بۆ هەناردەكردنی بەرهەمەكانی.
روسیا و ئۆكرانیا گەورەترین دوو سەرچاوەی دابینكردنی گەنمی جیهانن، لەسەرەتای دەستپێكردنی شەڕی نێوان ئەو دوو وڵاتە نرخی گەنم رووی لە بەرزبوونەوە كردووە، چەندین جاریش هۆشداری لە قەیرانی برسێتی لە جیهاندا دراوە، ئەوەش بەهۆی كەمبوونەوەی گەنم لە بازاڕەكانی جیهاندا.
