هاوشێوهی ڕهوتی سهدر، بزووتنهوهی مافخوازان كه خاوهنی كورسیهكی پهرلهمانییه، پاشهكشهی خۆی له ئهنجومهنی نوێنهران ڕاگهیاند و ئامادهش نیه هیچ كورسییهك له شوێنی پهرلهمانتارانی سهدر وهربگرێت.
ئهندازیار حسێن مونیس سكرتێری گشتیی بزووتنهوهی مافهكان، كه باڵی سیاسی كهتیبهكانی حزبوڵڵایه له بهیاننامهیهكدا رایگهیاندوو: بڕیاری كشانهوهمان داوه له ئهنجوومهنی نوێنهران و لهگهڵ پڕ نهكردنهوهی كورسییه دهستلهكاركێشاوهكان، چونكه نامانهوێت ببینه جێگرهوهی برایانی ناو ڕهوتی سهدر له پهرلهمان.
وتیشی: سهرهڕای كشانهوهمان ئێمه جهخت لهسهر پێویستی له پهلهكردن دهكهین لهسهر پێكهێنانی حكومهتێكی نوێی بههێزكه توانای بهڕێوهبردنی دهوڵهتی ههبێت لهم قۆناغهدا.
بهپێی زانیاریهكان بزوتنهوهی ماف سهرهڕای ئهوهی یهك كورسیان ههبوو له پهرلهمان، بهڵام له ئهگهری نهكشانهوهیان پێنج كورسی دیكهیان وهردهگرت به پێی مافی دهستووری له چوارچێوهی ئهو دهنگانهی كاندیدهكانی بهدهستی هێناوه.
