عارف حەمامی ئەندامی پەرلەمانی عیراق لەسەر پشكی چوارچێوەی هەماهەنگی دەڵێت، نیازێكی جددی هەیە بۆ گۆڕینی نرخی دۆلار بەرامبەر دیناری عیراقی لە ماوەی داهاتوودا.
عارف حەمامی لە لێدوانێكی رۆژنامەوانیدا وتی، پەرلەمانتارانی كوتلە جیاوازەكان جددین لەسەر گۆڕینی نرخی دۆلار بەرامبەر دینار، ئەوەش لە ماوەی داهاتوودا.
رونیشیكردووەتەوە، ئەو بابەتەش ئامانجەكەی راكێشانی هەست و سۆزی هاوڵاتیان نییە، بەڵكو نیازێكی راستەقینەیە بۆ بەدیهێنانی ئەو ئامانجەی هەیە.
ئەو پەرلەمانتارە ئاماژەی بەوەشداوە، گۆڕینی نرخی دراو لە دەسەڵاتی حكومەتە، بۆیە كار دەكەن بۆ ئەوەی لە رێگەی حكومەتی نوێوە ئەو كارە بكەن، بەتایبەتی كە ئێستا هیچ پێویستییەكی دارایی نییە بۆ بەرزكردنەوەی نرخی دۆلار، ئێستا نرخی نەوت لە بازاڕەكانی جیهاندا بەرزە.
