ئەنجومەنی ئاسایشی نێودەوڵەتی ئیدانەی هێرشەكەی زاخۆ دەكات كە بووە هۆی كوژرانی 9 گەشتیار و برینداربوونی زیاتر لە 20 كەسی دیكە و پشتگیری خۆشی بۆ عیراق راگەیاند.
ئەنجومەنی ئاسایشی نێودەوڵەتی بڵاویكردووەتەوە، ئیدانەی ئەو هێرشە دەكەن كە لە پارێزگای دهۆك لە عیراق روویدا، پاڵپشتی خۆشیان بۆ سەربەخۆیی عیراق و سەروەری و یەكگرتووی و سەلامەتی خاكەكەی رادەگەیەنن.
ئەوەش هاتووە، هەروەها پاڵپشتی دەسەڵاتدارانی عیراق دەكەن لە لێكۆڵینەوەكانیاندا دەربارەی هێرشەكە و داواش لە ئەندامانی ئەنجومەنی ئاسایش دەكەن كە هاوكاری حكومەتی عیراقی بكەن.
لەماوەی رابردودا توركیا بۆردومانی ناوچیەكی گەشتیاری زاخۆی كرد و بەهۆیەوە ژمارەیەك گەشتیار كە خەڵكی ناوەڕاست و باشوری عیراق بوون كوژران و بریندار بوون، ئەوەش كاردانەوەی زۆری بەدوای خۆیدا هێنا.
