كەمال محەمەد وەزیری كارەبای هەرێم رایگەیاند، رۆژانە 16 كاتژمێر كارەبا دەدرێتە هاوڵاتیان، هەروەها 4 وێستگەی تری كارەبا دەخرێنە كار.
وەزیری كارەبای عیراق و وەزیری كارەبای هەرێم كۆنگرەیەكی رۆژنامەوانیان ئەنجامداو تێیدا عادل كەریم وەزیری كارەبای عیراق باسی لەوەكردوە، بەستنەوەی كارەبا لەگەڵ وڵاتانی كەنداو 2 ساڵ دەخایەنێت و لەگەڵ وەزیری كارەبای هەرێم باسیان لە بەستنەوەی كارەبا كردووە و 2 وێستگەی هەمیشەیی بۆ ناوچە كێشە لەسەرەكان دادەمەزرێنن.
لای خۆشیەوە كەمال محەمەد ساڵح وەزیری كارەبای هەرێم رایگەیاند، رۆژانە 16 كاتژمێر كارەبا بۆ هاوڵاتیان دابیندەكرێت و 4 وێستگەی دیكەی كارەباش دەخرێنە كار.
وەزیری كارەبای هەرێم سەبارەت بە هێرشەكانی دوێنێی سەر كێڵگەی غازی كۆرمۆر هێمای بۆ ئەوەكردووە، تاوەكو ئێستا لێكۆڵینەوە لە هێرشەكە بەردەوامە و ئەركی حكومەتی عیراقە ئەنجامدەرانی هێرشەكە بدۆزێتەوە.
