شێروان دوبەردانی ئەندامی پەڕلەمانی عیراق لە فراكسیۆنی پارتی رایگەیاند، وەك فراكسیۆنەكەیان سیناریۆی ساڵی 2018 دوبارە ناكەنەوە و كورد بە دوو كاندید ناچێتە ناو هۆڵی پەڕلەمانی عیراقەوە، ناكرێت سوننە و شیعەكان كاندیدی سەرۆك كۆمار یەكلایی بكەنەوە.
شێروان دووبەردانی لە لێدوانێكی رۆژنامەوانیدا وتویەتی، وەك فراكسیۆنی پارتی سیناریۆی ساڵی 2018 دوبارە ناكەینەوە و كورد بە دوو كاندید ناچێتە ناو هۆڵی پەرلەمانی عیراقەوە.
ئاماژەی بەوەشداوە، ناكرێت سوننە و شیعەكان كاندیدی كورد بۆ سەرۆك كۆمار یەكلایی بكەنەوە، بۆیە پێویستە كورد ئەو پرسە لەناوخۆیدا یەكلایی بكاتەوە، گفتوگۆ بەردەوامە و ئەگەری هەیە لەم رۆژانەدا پارتی و یەكێتی كۆببنەوە و بگەن بە رێككەوتن لەسەر كاندیدی سەرۆك كۆمار.
لەماوەی زیاتر لە 10 مانگە هەڵبژاردنی پەرلەمانی عیراق ئەنجام دراوە، تاوەكو ئێستا كورد نەیتوانیوە لەسەر كاندیدی سەرۆك كۆمار بگاتە رێكەوتن، هەروەها لایەنە شیعەكانیش نەیانتوانیوە حكومەت پێكبهێنن.
