نرخی نەوتی خاو بەردەوامە لە دابەزین و یەك بەرمیل خاوی برێنت لە خوار 100 دۆلارەوە مامەڵەی پێوە دەكرێت.
بەپێی راپۆرتە ئابوریەكان، ئەمڕۆ سێشەممە نرخی نەوتی خاو دابەزینی زیاتری بەخۆیەوە بینیوە، ئەوەش بەهۆی ترس لە دابەزینی خواست لەسەری.
بەپێی داتاكان، نرخی یەك بەرمیل خاوی برێنت لە مامەڵە بازرگانییەكاندا بەرامبەر 99 دۆلار و 12 سەنتە، هەروەها بەرمیلێك خاوی تەكساسی ئەمریكی بە 93 دۆلار و 23 سەنتەوە مامەڵەی پێوە دەكرێت.
هەرچی سەبارەت بە نەوتی رێكخراوی ئۆپێكە، بە بەرزی ماوەتەوە و بەپێی داتاكانی ماڵپەڕی رێكخراوەكە، یەك بەرمیل بە 110 دۆلار و 84 سەنت دەفرۆشرێت.
