وەزیری دارایی و ئابوری حكومەتی هەرێمی كوردستان رایگەیاند: توانیویانە داهاتی ناوخۆ زیاد بكەن و خەرجیەكانیش كەمبكەنەوە.
ئەم لێدوانەی ئاوات جەناب نوری وەزیری دارایی حكومەتی هەرێمی كوردستان لەمیانی كۆبونەوەیەكیدا هاتوە لەگەڵ شاندێكی كونسوڵخانەی گشتی ئەمریكا لە هەرێمی كوردستان.
بەپێی راگەیەنراوێك، لەو كۆبونەوەیەدا وەزیری دارایی و شاندی ئەمریكا دوا پێشهات و گۆڕانكارییەكانی دۆخی سیاسی و ئابوری هەرێم و پرسی پێكهێنانی كابینەی داهاتوی حكومەتی فیدڕاڵیان تاوتوێ كردوەو لەوبارەیەوە ئاوات شێخ جەناب رایگەیاندوە، یەكێك لە دەستكەوتەكانی وەزارەتی دارایی و ئابوری لە كابینەی نۆیەم توانیویەتی ببێتە فاكتەرێكی بەهێز بۆ جێبەجێ كردنی یاسای چاكسازی، هەروەها توانیویەتی داهاتی ناوخۆ زیاد بكات و خەرجیەكان كەمبكاتەوە.
