بڵاوبونەوەی چەند وێنەیەكی باڵیۆزێكی عێراق و هاوژینەكەی لەوڵاتی لوبنان كاردانەوەی زۆری لێكەوتەوە و وەزارەتی دەرەوەی عێراقیش هاتۆتە سەرخەت و دەڵێت، لێكۆڵینەوە دەكەین.
ئەحمەد سەحاف وتەبێژی وەزارەتی دەرەوەی عیراق رایگەیاند، بەگرنگیەوە چاودێری ئەو بابەتە دەكەین كە لە تۆڕە كۆمەڵایەتیەكان بڵاوكراوەتەوە سەبارەت بە وێنەیەك كە پەیوەندی هەیە بە باڵیۆزی عیراق لە ئوردن.
وتەبێی وەزارەتی دەرەوەی عێراق دەشڵێت:”رای گشتی و راگەیاندنەكان ئاگادار دەكەینە كە رێشوێنی پێویست و خێرا بەرامبەریان دەگرینەبەر بۆئەوەی بەها دیپلۆماسیەكانی عیراق لەدەستنەدرێن.”
هونەرمەندی دیاری لوبنان راغب عه‌لامه، چەند وێنه‌یەكی خۆی له‌گه‌ڵ باڵیۆزی عێراق له ئوردن و هاوسه‌ره‌كه‌ی له رێگه‌ی هه‌ژماری خۆیه‌وه له تویته‌ر بڵاوكردوه‌ته‌وه و نوسیویه‌تی، سوپاسی تایبه‌ت بۆ میوانداری به‌خشنده و نایاب و چێژبه‌خشه‌كه‌ی باڵیۆزی عێراق و هه‌روه‌ها بۆ ئه‌م پێشوازی و گرنگ و پڕ له میهره‌بانییه.
