میدیاكانی ئەمریكا ئاشكرایان كردووە، پەتای ئاوڵەی مەیمون لە سەرجەم ناوچەكانی ئەو وڵاتە بڵاوبووەتەوە و تاوەكو ئێستا 15 هەزار و 433 توشبوو تۆمار كراون كە زۆرینەیان لە ولایەتەكانی نیویۆرك و كالیفۆرنیان.
كەناڵی ABC Newsی ئەمریكی بڵاویكردووەتەوە، لە چەند ناوچەیەكی تری ئەو وڵاتە توشبووی پەتای ئاوڵەی مەیمون تۆمار كراون، تەنانەت لەو ناوچانەی كە تاوەكو ئێستا توشبوویان تێدا تۆمار نەكرابوو.
رونیشكراوەتەوە، بەپێی زانیارییەكان پەتاكە لە سەرجەم ناوچەكانی ولایەتە یەكگرتووەكانی ئەمریكا بڵاوبووەتەوە و تاوەكو ئێستاش 15 هەزار و 433 توشبوو تۆمار كراون.
كەناڵەكە ئەوەشی ئاشكرا كردووە، زۆرینەی توشبووانی ئاوڵەی مەیمون لە ئەمریكا لە دوو ولایەتن، لە نیویۆرك 2 هەزار و 910 توشبوو تۆمار كراون و لە كالیفۆرنیاش 2 هەزار و 663 توشبوو تۆمار كراون.
