رێكخراوی تەندروستی جیهانی بڵاویكردەوە، لە ساڵی 2022دا یەك ملیۆن كەس بە ڤایرۆسی كۆرۆنا گیانیان لەدەستداوە.
رێكخراوەكە لە بڵاوكراوەیەكدا ئاماژەی بەوەداوە، لەمساڵدا یەك ملیۆن كەس بەهۆی ڤایرۆسی كۆرۆناوە گیانیان لەدەستداوە، زۆرینەی گیانلەدەستدانەكانیش لە وڵاتەكانی “ئەمریكا، روسیا، بەڕازیل و هیندستان” بوون.
لای خۆیەوە تیدروس ئەدهانۆم سەرۆكی رێكخراوەكە وتویەتی، جیهان ناتوانێت بەو شێوەیە خۆی پیشان بدات كە لەگەڵ كۆرۆنادا دەژی لەكاتێكدا گیان لەدەستدان بە ڤایرۆسەكە بەردەوامە، ئەوەش سەرەڕای هەوڵەكان بۆ دابین كردنی سەرجەم هۆكارەكانی رێگەگرتن لێی.
رێكخراوی تەندروستی جیهانی داواشی لە سەرجەم وڵاتان كردووە، رێوشوێنی پێویست بۆ سەپاندنی كۆت و بەندەكان بۆ رێگەگرتن لە بڵاوبوونەوەی كۆرۆنا بگرنەبەر، هەروەها بەردەوامبن لە پشكنینەكانی تایبەت بە نەوەكانی ڤایرۆسەكە و دەرمان و پێداویستی بۆ رزگاركردنی گیانی مرۆڤەكان دابین بكەن و هەڵمەتەكانی دابەشكردنی ڤاكسین چڕ بكەنەوە.