نەتەوە یەكگرتووەكان ئاشكرای كرد، بەهۆی پەتای كۆرۆناوە گەشەی جیهانیی 5 ساڵ دواكەوتووە و ترسی ئەوەیان هەیە شەڕی روسیا و ئۆكرانیا بارودۆخەكە خراپتر بكات.
بەرنامەی گەشەپێدانی نەتەوە یەكگرتووەكان بڵاویكردووەتەوە، بۆ یەكەمجار لەماوەی 30 ساڵی رابردودا ئاماژەكانی گەشەی مرۆیی كە رێژەی مامناوەندی تەمەن و فێركردن و ئاستی بژێوی لەبەرچاو گرتووە دابەزیوە.
رونیشكراوەتەوە، ئەوەش بۆ دوو ساڵ لەدوای یەك و ساڵانی 2020 و 2021 گەشەی مرۆیی دواكەوتووە و گەڕاوەتەوە بۆ بارودۆخی ساڵی 2016ی، كە ئەوەش پاشەكشەیەكی زۆر گەورەیە و زیاتر لە 90%ی جیهانی گرتووەتەوە.
نەتەوە یەكگرتووەكان ترسی خۆشی پیشانداوە لەوەی، شەڕی نێوان روسیا و ئۆكرانیا بارودۆخەكە ئەوەندەی تر خراپتر بكات.
