د. یاد نەقشبەندی بەڕێوەبەری نەخۆشخانەی هیوا هۆشداری دەدات لە زیادبوونی نەخۆشی شێرپەنجە لەناو منداڵاندا و دەشڵێت، ساڵانە بەردەوام توشبوون بەو نەخۆشیە رووی لە زیادبوونە.
د. یاد نەقشبەندی لە لێدوانێكی رۆژنامەوانیدا باسی لەوە كردووە، چەند هۆكارێك هەن بونەتە هۆی زیادبوونی رێژەی توشبوون بە شێرپەنجە، ئەو ئامارەی رۆژی یەك شەممەی رابردوو بڵاوكرایەوە كە لە یەك رۆژدا 40 كەس تووشی شێرپەنجە بوون ئامارێكی مەترسیدار بووە.
وتوشیەتی، ساڵانە ئامارەكانی توشبوون بە شێرپەنجە زیاددەكات، بەڵام ئەوەی مەترسیدارە ماوەی چەند ساڵێكە بەردەوام رێژەی توشبوون بە شێرپەنجە لە منداڵاندا زیادی كردووە.
بەپێی وتەكانی بەڕێوەبەری نەخۆشخانەی هیوا، گرفتی شوێنی مانەوە و داهات هەیە و پلانەكان لە ئاست پێویستدا نیین و هەنگاوی پێویست بۆ بەرەنگاربونەوەی مەترسییەكان نەنراون.
