ئەنجومەنی وەزیرانی هەرێم رەزامەندی لەسەر نوێكردنەوەی گرێبەستی زیاتر لە 500 كارمەندی تەندروستی دەربڕی.
بەپێی توسراوێكی ئەنجومەنی وەزیران كە واژووی سەرۆكی دیوانی ئەنجومەنی وەزیرانی لەسەرە، رەزامەندی بە نوێكردنەوەی گرێبەستی 502 پەرستاری زانكۆ و یاریدەدەری سڕكار بۆ نوێكردنەوەی گرێبەستەكانیان دراوە.
لە نوسراوەكەدا ئەوەش هاتووە، پێداچوونەوە بە بواری پسپۆڕی و شوێنی كاركردنیان دەكرێت لەگەڵ هۆكاری درێژكردنەوەی گرێبەستی كاركردنیان، لە كاتێكدا كە دامەزراندنەكە بۆ روبەڕوبونەوەی ڤایرۆسی كۆرۆنا بووە و لە ئێستادا ئەم ڤایرۆسە بووەتە پەتایەكی وەرزی و كاریگەری لەسەر ژیانی هاوڵاتیان نەماوە.
سەبارەت بەو بابەتەهاوژین عوسمان سەرۆكی لقی سلێمانی سەندیكای كارمەندانی تەندروستی بە میدیاكانی وتووە، بە زارەكی لە لەلایەن وەزارەتەوە ئاگاداركراونەتەوە گرێبەستی كارمەندانی تەندروستی نوێدەكرێتەوە.
