واژۆ
رێژەی جیابوونەوەی هاوسەران لە عیراق بەشێوەیەكی بەرچاو روو لە زیادبوونە و بەپێی سەرژمێرییەكی ئەنجومەنی باڵای دادوەریی، رۆژانە زیاتر لە 200 حاڵەت تۆمار دەكرێن.
ئەنجومەنەكە بڵاویكردووەتەوە، لە مانگی تشرینی دووەمی رابردوو 6 هەزار و 865 حاڵەتی جیابوونەوەی هاوسەران لە پارێزگاكانی عیراق تۆمار كراون، بەشێوەیەك 5 هەزار و 173یان لە دەرەوەی دادگاكان و هەزار و 722یان لەناو دادگاكاندا بوون، كە رۆژانە زیاترە لە 220 حاڵەت.
ئەوەش هاتووە، هەروەها لەو مانگەدا 32 هەزار و 280 حاڵەتی هاوسەرگیری تۆمار كراون، 28 هەزار و 834یان لە ناو دادگاكان و 3 هەزار و 448یان لە دەرەوەی دادگاكاندا بوون.
جیابوونەوەی هاوسەران لە عیراق ژمارەیەكی بەرزە و بەپێی وتەی شارەزایان، دیارترین هۆكارەكانی جیابوونەوە كێشە ئابوریی و كۆمەڵایەتییەكانن.
