واژۆ
بەپێی داتاكان، تەنها لە ساڵی 2022دا تاوەكو ئێستا 43 هەزار و 783 كەس بەهۆی روداوەكانی تەقەكردن لە ئەمریكا گیانیان لەدەستداوە و زیاتر لە 38 هەزار كەسیش بریندار بوون.
رێكخراوی “ئەرشیفی توندوتیژی چەك” لە ئەمریكا بڵاویكردووەتەوە، لەساڵی 2022دا تاوەكو ئێستا 43 هەزار و 783 كەس بەهۆی روداوەكانی تەقەكردن لە ئەمریكا گیانیان لەدەستداوە.
ئەوەش هاتووە، لەو ژمارەیە 19 هەزار و 891یان كوشتن بوون و 23 هەزار و 892یان خۆكوشتن بوون، هەروەها 38 هەزار و 46 كەسیش بریندار بوون، لە نێو ئەوانەی كوژراون هەزار و 330یان منداڵ بوون و 3 هەزار و 744منداڵیش بریندار بوون، كە تەمەنیان لە نێوان 12 بۆ 17 ساڵ بووە.
بەپێی هەمان داتا، ژمارەی قوربانیانی چەك ساڵانی پێشوو زیاتر بوون و ساڵی رابردوو زیاتر بووە لە 45 هەزار كەس، هەروەها لە ساڵی 2020 نزیكەی 43 هەزار و 700 كەس بە چەك كوژراون.
