واژۆ
نرخی دۆلاری ئەمریكی بەرامبەر دیناری عیراقی بەردەوامە لە دابەزین و 100 دۆلار گەیشتە خوار 152 هەزار دینار، ئەوەش نزمترین ئاستە لەماوەی ئەم هەفتەیەدا.
بەپێی داتاكان لە بازاڕەكانی مامەڵەكردن بە نرخی دراوەوە لە هەرێم كوردستان، بەیانی ئەمڕۆ پێنجشەممە نرخی دۆلار دابەزینی زیاتری بەخۆیەوە بینیوە و 100 دۆلاری ئەمریكی گەیشتووەتە 151 هەزار و 750 دینار.
بەپێی هەمان ئەو داتایانە، ئەوەش نزمترین نرخە دۆلار لەم هەفتەیەدا تۆماری كردبێت، هەروەها نرخی تمەنی ئێرانی بەردەوامە لە دابەزین و 100 دۆلار بەرامبەر 4 ملیۆن و 360 هەزار تمەنە.
لە چەند رۆژی رابردوودا نرخی دۆلار بەشێوەیەكی بەرچاو بەرزبوونەوەی بەخۆیەوە بینی و 100 دۆلار گەیشتە نزیكەی 160 هەزار دیناری عیراقی، ئەوەش بەهۆی كەمبوونەوەی دۆلار لە بازاڕەكان و زۆربوونی خواست لەسەری.
