واژۆ
كەریم عەلی ئەندامی ئەنجومەنی پارێزگای سلێمانی رایگەیاند، تاوەكو ئێستا هیچ وادەیەك بۆ دابەشكردنی نەوتی سپی لە سەنتەری شارەكان دیارینەكراوە.
كەریم عەلی بە میدیای یەكێتی وتووە، بۆ دابەشكردنی نەوتی سپی لە سەنتەری شارەكان تاوەكو ئێستا وەزارەتی سامانە سروشتییەكان هیچ وادەیەكی دیارینەكردووە، چاوەڕوانی حكومەتی عیراق دەكرێت.
رونیشیكردووەتەوە، پێشتر و لە مانگی 10ی ساڵی رابردوو راگەیەندرا كە نەوتی سپی لە قەزا و ناحیە و سەنتەری شارەكان دابەشدەكرێت، ئەوەی پێشتریش كراوە دابەشكردنی نەوتی سپی نەبووە بەڵكو فرۆشتنی نەوتی سپی بووە بە هاوڵاتییان.
