واژۆ
ئەفسەرێكی بەریتانی بەناوی “دیڤید كاریك” دانی بەوەدا ناوە، كە لەماوەی كاركردنیدا لە لەندەن كە تاوەكو ئێستاش بەردەوامە، 24 تاوانی دەستدرێژی سێكسی بەرامبەر 12 ژن و كچ ئەنجامداوە، بۆ ئەو كارەشی ترساندنی بەكارهێناوە.
میدیای بەریتانی بڵاویكردووەتەوە، دیڤیدی تەمەن 48 ساڵ پۆستەكەی بەكارهێناوە بۆ كۆنترۆڵ كردنی قوربانییەكان و ترساندنی لە دژیان بەكارهێناوە بەوەی، ئەگەر سكاڵاشی لەسەر تۆمار بكەن ئەوە كەس گوێیان لێناگرێت.
لای هۆیەوە مارك رولی كۆمسیاری پۆلیسی لەندەن لە بەیاننامەیەكدا رایگەیاندووە، ئەو ئەفسەرە بە ناشرینترین شێوە خراپەكاری دژی ژنان بەكارهێناوە، ئەوەی كردویەتی كارێكی قێزەونە و وەك پۆلیس ژنان و كچانی لەندەنیان بێهیوا كردووە.
دیڤید كاریك تاوانەكانی بەرامبەر 12 ژن ئەنجامداوە لە نێوان ساڵانی 2003 و 2020، ئەوەش لەكاتێكدایە كە بەهۆی چەندین كەیسی ترەوە متمانەی پۆلیسی لەندەن لای هاوڵاتیان لاواز بووە.