واژۆ
وەزارەتی سامانە سروشتییەكانی حكومەتی هەرێمی كوردستان تەواوبوونی دابەشكردنی نەوتی سپی لە ناوچە شاخاویەكان و دەستكردن بە دابەشكردنی لە دەوروبەری شارەكان راگەیاند.
وەزارەتی سامانە سروشتییەكان لە راگەیەندراوێكدا ئاماژەی بەوەداوە، دابەشكردنی نەوتی سپی لە ناوچە شاخاوییەكان كۆتایی هاتووە و زیاتر لە 64 ملیۆن لیتر نەوتی سپی بەسەر 321 هەزار و 138 خێزان دابەشكراوە.
هەر بەپێی راگەیەندراوە، دوای كۆتایی هاتنی ناوچە شاخاوییەكان هەنگاوی دووەمی دابەشكردنی نەوتی سپی لە ناوچەكانی دەوروبەر دەستیپێكرد و تاوەكو ئێستا نزیكەی دوو ملیۆن لیتر بەسەر زیاتر لە 8 هەزار و 500 خێزاندا دابەشكراوە و پرۆسەكەش بەردەوامە.
ئەمەش لەكاتێكدایە، وەرزی زستان بەرەو كۆتایی دەچێت و تاوەكو ئێستا دابەشكردنی نەوتی سپی لەناو شارەكان دەستی پێنەكردووە.
