wazho.net
شانەی راگەیاندنی ئەمنی عێراق ئاشكرایكرد، لە هێرشێكدا لە ناوچەی تارمییەی باكوری بەغدا 4 چەكداری حەشدی شەعبی كوژراون و چەكدارێكیش بریندار بووە.
شانەی راگەیاندنی ئەمنی لە بەیاننامەیەكدا بڵاویكردووەتەوە، چەكدارانی رێكخراوی داعش لە ناوچەی تارمییە لە باكوری شاری بەغدا لە رێگەی قەناس و تەقینەوە هێرشیان كردووەتە سەر لیوای 12ی حەشدی شەعبی.
رونیشكراوەتەوە، لە ئەنجامدانی هێرشەكەدا 4 چەكداری ئەو لیوایەی حەشد كوژراون و چەكدارێكی تریش بریندار بووە.
بەپێی زانیاریەكان، سەرەتا چەكدارانی داعش بۆمبێكی چێنراویان بە ئۆتۆمبێلێكی هێزەكەدا تەقاندووەتەوە و دواتر دەسترێژی گولـلەیان كردووە، دوای ئەوەی هێزی پشتیوانی گەیشتووە، لە رێگەی چەكی قەناسەوە لێیان دراوە.
