نوری مالكی سەرۆك وەزیرانی پێشووتری عێراق دەڵێت، پێموابوو سەدام حسێن لە سێدارە نەدرایە باشتر بوو، چونكە زۆر كەیسی تر هەبوو دەبوایە لەسەریان دادگایی بكرایە، وەك بەكارهێنانی چەكی كیمیایی و راگواستنی كورد و لەسێدارەدانی 22 هەزار گەنجیان.
نوری مالكی لە گفوگۆیەكی تەلەفزیۆنیدا باسی لەوەكردووە، چاوم بە سەدام حسێن نەكەوتووە لە گرتووخانە و تەنها چەند خولەكێك دوای لە سێدارەدانی لە ئەمبوڵانسێكدا بینیم، كاتێك بینیم وتم “تاوانبارێك بە هەموو واتایەك، دادگاییەكی دادپەروەرانەی بەخۆیەوە نەبینی”.
ئاماژەی بەوەشداوە، سەردانم نەكرد بۆ گرتووخانە و ئامادەی دادگایی و لە سێدارەدانەكەشی نەبووم، بۆچوونم بەشێوەیەك بوو كە لە سێدارە نەدرێت، بەڵام ئیتر ئەوە بڕیارێك بوو دەبوایە جێبەجێ بكرایە، سەدام لەسەر كەیسە گەورەكان دادگایی نەكرا و لە سێدارە نەدرا، تەنها لەسەر یەك كەیس دادگایی كرا.
سەرۆكی ئیئتلافی دەوڵەتی یاسا جەختی لەوەش كردووەتەوە، كوا دادگایی كردنی لەسەر لەسێدارەدانی حزبەكان؟ كوا دادگایی كردن لەسەر بەكارهێنانی چەكی كیمیاوی؟ لەسەر راگواستنی كورد و لە سێدارەدانی 22 هەزار گەنجیان، بۆیە دەڵێم سەرجەم ئەوانە و كەیسەكانی تر بێبەش بوون لە دادگایی كردنی سەدام.
