رۆژنامەیەكی ئەمریكی بڵاویكردووەتەوە، هێرشی سەر گرتووخانەی حەسەكە بە كارەسات بۆ رێكخراوی داعش كۆتایی هات، هێرشبەرەكان و دەیان چەكدار كە زیندانی بوون هەروەها سەركردەی رێكخراوەكەش كوژران.
رۆژنامەی “وۆڵ سترین جۆرناڵ” لە راپۆرتێكدا بڵاویكردووەتەوە، هێرش كردنە سەر گرتووخانەی غوێران لە حەسەكە كۆتا فەرمانی “عەبدوڵڵا قەرداش” بوو كە رێكخراوەی بە “ئەبو ئیبراهیم قوڕەیشی” بانگیان دەكرد.
ئەوەش هاتووە، هێرشەكە بۆ رێكخراوەكە كارەسات بوو، چونكە هێرشبەرەكان كوژران و ژمارەیەك زیندانیش كە بەشدارییان لەو هێرشەدا كرد كوژران، هەروەها لە پرۆسەی راوەدونانی چەكدارە هەڵاتووەكان قەرداش لە پرۆسەیەكی سوپای ئەمریكادا كوژرا.
رۆژنامەكە جەختی لەوەش كردووەتەوە، هێرشەكە لە خراپترین ئەو هێرشانە بوو كە لەماوەی 3 ساڵی رابردودا داعش ئەنجامی داون، سەرەڕای ئەوانەش مەترسیەكانی داعشی خستەوە بەرباس.
بەپێی زانیاریەكانی هێزەكانی سوریای دیموكرات “هەسەدە”، لە هێرشی سەر گرتووخانەی غوێران 374 چەكداری داعش كوژران و هەزار و 100 زیندانیش دەستگیر كراونەتەوە.
