قوباد تاڵەبانی جێگری سەرۆكی حكومەتی هەرێم دەڵێت، كێشەی موچە تەنها لە سلێمانی نییە و كێشەیەكی سەرتاسەرییە لە هەرێم، واز لە سلێمانی بهێنن خەتای سلێمانی نییە.
قوباد تاڵەبانی لە لێدوانێكی رۆژنامەوانیدا وتویەتی، شتێكی روون هەیە كە هەرێمی كوردستان كێشەی دارایی هەیە، ئەوەش كێشەی سلێمانی نییە بەڵكو كێشەی هەموو هەرێمە.
باسی لەوەش كردووە، كێشەی كەمی داهات هەیە، واز لە سلێمانی بهێنن خەتای سلێمانی نییە، كێشەكە پەیوەندی بە هەموو كوردستانەوە هەیە كە كێشەی دارایی هەیە و ئەوەش راستەوخۆ كاریگەریی لەسەر دابەشكردنی موچە دەبێت.
جێگری سەرۆكی حكومەت ئاماژەی بەوەشداوە، بۆیە بەشداری لە كۆڕبەندە جیهانییەكان دەكەن بۆ ئەوەی سەرچاوەی داهاتی هەرێم زیاد بكەن و جگە لە نەوت پشت بە گەشتوگوزار و كشتوكاڵ و كەرتەكانی دیكەش ببەستن، كێشەی داهات و موچە لە هەرێم پێویستی بە چارەسەری دوربینانە و درێژخایەنە، نەك ئاڕاستەكردنی پەنجەی تۆمەت بۆ لایەنێك و بۆ شارێك.
