كۆمەڵی دادگەریی كوردستان تەئكید دەكاتەوە لەگەڵ هەمواركردنەوەی یاسای هەڵبژاردن و فرەبازنەییدان.
لە راگەیەنراوكێدا هاتوە كە عەلی باپیر سەرۆكی كۆمەڵی دادگەریی كوردستان سەرپەرشتی كۆبونەوەی ئەنجومەنی باڵای كۆمەڵەكەیانی كردوەو تیادا سەبارەت بە رەوشی ناوخۆی هەرێمی كوردستان جەختیانكردووەتەوە، كۆمەڵی دادگەریی كوردستان وەك پارتێكی سیاسی ئۆپۆزسیۆن لە كابینە جیاوازەكانی حكومەتدا تێبینی و رەخنەی خۆی لەسەر سیستمی حكومداریی هەرێم بۆ رای گشتی خستۆتەڕوو، لەڕێگای سیاسی و میدیایی و پەرلەمانیەوە خەباتی بۆ حوكمڕانیەكی باشتر كردوە، پێشیانوابوە مەحاڵە ئەمجۆرە حكومڕانیە بەرهەمداربێت و درێژەی هەبێـت
لەبارەی پرسی هەڵبژاردنی پەرلەمانی كوردستانەوە لە راگەیەنراوەكەی كۆمەڵی دادگەرییدا هاتوە، جەختدەكەنەوە لەسەر رای نەگۆڕی خۆیان كە داوا دەكەن هەڵبژاردنەكان لەكاتی خۆیاندا بەڕێوەبچن و هیچ شتێك بە پاساو نازانێت بۆ دواخستنیان، كۆمەڵ لەگەڵ هەمواری یاسای هەڵبژاردنەو بە پێویستی دەزانێت هەرێم بكرێتە چوار بازنەی هەڵبژاردن، هەروەها تۆماری دەنگدەران پاك بكرێتەوە و تۆماری دەنگدەرانی عیراق بكرێتە بنەما.
كۆمەڵی دادگەریی بەپێویستیشی زانیوە رای گشتی بزانێت كە لایەنەكانی دەسەڵات بە بیانوی جیاواز دەیانەوێت هەڵبژاردن دوابخەن
