بەهۆی بەردەوامی دەستدرێژیەكانی، لە ئەنجومەنی ئاسایش عیراق سكاڵای لەسەر توركیا تۆمار كرد و داوا دەكات كۆبونەوەیەكی بەپەلە لەو بارەیەوە بكرێت.
ئەحمەد سەحاف وتەبێژی وەزارەتی دەرەوەی عیراق لە بەیاننامەیەكدا رایگەیاندووە، نامەیەكی ساكاڵا ئاڕاستەی ئەنجومەنی ئاسایش كراوە.
رونیشیكردووەتەوە، لە نامەكەدا عیراق داوای كۆبوونەوەیەكی بەپەلەی كردووە، تایبەت بە بەردەوامی دەستدرێژییەكانی توركیا بۆ سەر عیراق.
توركیا بەردەوامە لە تۆپباران كردنی ناوچە سنوریەكانی عیراق و لە كۆتا كردەوەشیدا تۆپبارانی ناوچەیەكی گەشتیاری لە زاخۆ كرد و بەهۆیەوە 9 كەس گیانیان لەدەستدا و زیاتر لە 20 كەسی تر بریندار بوون، كە گەشتیاری ناوچەكانی ناوەڕاست و خوارووی عیراق بوون.
