لە شەش مانگی سەرەتای ساڵی 2022 دا، زیاتر لە 16 ملیۆن گەشتیاری بیانی سەردانی توركیایان كردوە.
بەگوێرەی ئاماری وەزارەتی كلتورو گەشتوگوزاری توركیا، ژمارەی ئەو هاووڵاتیە بیانیانەی لە شەش مانگی ئەمساڵدا سەردانی ئەو وڵاتەیان كردوە بەراورد بە هەمان ماوەی ساڵی رابردو، رێژەكە زیادیكردوە.
بەپێی ریزبەندی ئەو وڵاتانەی زۆرترین هاووڵاتیان سەردانی توركیایان كردوە بەراورد بە شەش مانگی سەرەتای ساڵی رابردو، ئەڵمانیا بە پلەی یەكەم دێت كە زیاتر لە دوو ملیۆن سەردانی توركیایان كردوە، دوای ئەویش روسیا بە زیاتر لە یەك ملیۆن هاووڵاتی لە پلەی دوەم دێت و هەروەها بەریتانیا بە یەك ملیۆن و 264 هەزار و 274 گەشتیار پلەی سێیەمی ریزبەندییەكەی گرتوە پاش ئەوان هەریەك لە وڵاتانی بولگاریاو ئێران هاتون.
بەپێی ئامارەكە، تەنها لە مانگی شەشی ئەمساڵیشدا زیاتر لە 5 ملیۆن بیانی سەردانی توركیایان كردوە كە ئەم ژمارەیەش بەراورد بە ژمارەی گەشتیار لە مانگی حوزەیرانی ساڵی رابردودا زیادیكردوە.
سەرچاوە: AA
