سەرۆكی ئەنجومەنی نوێنەرانی عیراق قوربانیانی خۆپیشاندانەكان بە شەهید ناودەبات و سێ رۆژ ماتەمینی لە ئەنجومەنی نوێنەرانی عیراق راگەیاند.
نوسینگەی راگەیاندنی محەمەد حەلبوسی سەرۆكی ئەنجومەنی نوێنەرانی عیراق رایگەیاندوە، لەسەر داواكاری ئەندامانی ئەنجومەنی نوێنەران، محەمەد حەلبوسی بۆ ماوەی سێ رۆژ ماتەمینی راگەیاندوە بۆ ئەو هاووڵاتیانەی لە هەردوولا كە خۆپیشاندەران و هێزە ئەمنییەكانن گیانی خۆیان كردۆتە قوربانی لەماوەی دوو رۆژی رابردودا.
سەرۆكی ئەنجومەنی نوێنەران داواشی لە مستەفا كازمی سەرۆك وەزیرانی عیراق كردوە ماتەمینی گشتی لەسەرتاسەری وڵات رابگەیەنێت.
