واژۆ
خولوسی ئاكار وەزیری بەرگریی توركیا یەكە سەربازییەكانیان لەسەر سنوری نێوان عیراق و توركیا بەسەر دەكاتەوە.
ئاژانسەكانی توركیا بڵاویانكردۆتەوە، دوای ئەوەی بە درێژایی شەوی رابردو خولوسی ئاكار لە ژوری ئۆپراسیۆنەكانی فەرماندەیی هێزە وشكانییەكان ماوەتەوە بەرەو یەكە سەربازییەكانی سەر سنوری عیراق بەڕێكەوتوە.
ئاماژەشیانكردوە، هەریەك لە یەشار گولەر سەرۆكی ئەركانی سوپای توركیا، موسا ئاڤسەڤەر فەرماندەی هێزە وشكانییەكان و چەند گەورە ئەفسەرێكی تر یاوەری وەزیری بەرگریی توركیا بون.
بڵاویشكراوەتەوە، ئامانجی سەردانەكەی خولوسی ئاكارو شاندی یاوەری بەسەركردنەوەی یەكەكانی سەر سنورو وەرگرتنی زانیاری بوە لەسەر ئەو هێرشانەی سوپای توركیا لە ناوچەكە ئەنجامی دەدات.
